रुस सरकारले प्रत्येक नागरिकलाई १ हेक्टर जमिन निशुल्क दिने

२३ साउन, एजेन्सी ।

रुस सरकारले त्यहाँका जनतालाई देशको सुदुर पूर्वी क्षेत्रमा रहेको उब्जाउ जमिनमा १ हेक्टर निशुल्क दावी गर्न सक्ने कानून ल्याउने भएको छ । सरकारले प्रस्ताव गरेको विधेयक पास भएमा रुसी जनताले पूर्वी क्षेत्रको खेती योग्य जमिनमा १ हेक्टर निशुल्क पाउनेछन् ।

आलोचकले भने सरकारले सारेको नीतिले गम्भिर ब्यवहारिक समस्या ल्याउन सक्ने भन्दै चिन्ता ब्यक्त गरेका छन् । कम विकाशित क्षेत्रमा जनतालाई आकर्षित गर्न सरकारले यो नीति अघि सारेको रुसको पूर्वी क्षेत्र विकाश मन्त्री अलेक्जेण्डर गुलश्काल जानकारी दिए ।

उक्त क्षेत्रमा रहेका तीन प्रसिद्ध शहरबाट २० किलोमिटर टाढाको क्षेत्रमा जनताले निशुल्करुपमा जमिन दावी गर्न पाउने गरी विधेयकमा कानूनको प्रस्ताव गरिएको छ ।

प्रत्येक परिवारलाई यस्तो आवेदन दिन मौका दिइने छ र सबैले १ हेक्टर जमिन सित्तैमा पाउने छन् । वेबसाइटमा उक्त स्थानमा जग्गाको म्याप प्रकाशित गरेर सरकारले जग्गा अनुसार आवेदन दिन पाउने छन् ।


शुरुमा ५ वर्षका लागि प्राप्त हुने यस्तो जमिन राम्रोसँग हेरचाह गरेमा सँधैभरीका लागि प्राप्त गर्न सक्ने प्रावधान समेत सरकारले राखेको छ ।
यो विधेयक पास भएमा सरकारको यो योजना आगामी वर्षको जुलाइ देखि शुरु भएर सन् २०३५ सम्म जारी रहने छ ।nepaliheadlines.com

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.