श्रीमतीसँग अनैतिक सम्बन्ध राखेको भन्दै विदेशबाट आएर छिमेकीको हत्या

बर्दिया, १७ साउन– बर्दियामा एक व्यक्तिले श्रीमतीसँग अनैतिक सम्बन्ध राखेको आरोपमा छिमेकीको हत्या गरेका छन् ।
गोला–७ का श्याम केसीले कुखुरी प्रहार गरी छिमेकी ३५ वर्षीय गंगाधार चोलागाईंको शनिबार राति हत्या गरेका हुन् ।

चौलागाईंको शव घर नजिकै बाटोमा फेला परेको जिल्ला प्रहरी कार्यालय बर्दियाका प्रमुख एसपी गोविन्दराम परियारले जानकारी दिए । घटनापछि फरार केसीको खोजी भइरहेको प्रहरीले जनाएको छ ।
प्रहरीले घटनास्थलबाट केसीले प्रहरीलाई सम्बोधन गरी लेखेको पत्र फेला पारेको छ ।
केसीले पत्रमा वैदेशिक रोजगारीमा रहेका बेला चौलागाईंले आफ्नी श्रीमतीसँग अनैतिक सम्बन्ध राखेको र विदेशबाट पठाएको रकमसमेत लिएकाले हत्या गरेको उल्लेख गरेका छन् ।
यस्तै पत्रमा केसीले आफ्नो खोजी नगर्न आग्रह गर्दै आफैं प्रहरीमा उपस्थित हुने जानकारी गराएका छन् । प्रहरीका अनुसार वैदेशिक रोजगारीका सिलसिलामा कतार गएका केसी चार दिनअघि मात्र घर फर्केका थिए ।
kathmandutoday.com

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.