सेल्फी लिँदा दुईजना किशोरी नारायणीमा खसे

चितवन: सेल्फी खिच्ने चक्करमा मग्न हुँदा दुई किशोरी  नारायणी नदीमा खसेका छन् ।

पुलमा उभिएर सेल्फी खिच्ने क्रममा आइतबार दिउँसो दुई बजे नवलपरासीको गैँडाकोटका दुई किशोरी नारायणी नदीमा खसेका हुन ।

सेल्फी खिच्ने क्रममा खसेका किशोरीमध्ये एकजनाको जीवितै उद्धार गरिएको छ । उनीसँगै खसेकी अर्की किशोरी भने नदीमा बगेर वेपत्ता भएकी छन् ।

जिल्ला प्रहरी कार्यालय चितवनका अनुसार नवलपरासीको गैँडाकोटकी करिब १६ वर्षीया नम्रता सापकोटा र १८ वर्षीया स्मिता ज्ञवाली नदीमा खसेका हुन्

नारायणीमा खसेकी नम्रतालाई प्रहरीले जीवितै उद्धार गर्न सकेको छ । स्मिताको खोजी भइरहेको जिल्ला प्रहरी कार्यालय चितवनले जनाएको छ ।

घटनास्थलमा नेपाल प्रहरी, सशस्त्र प्रहरी र स्थानीय बासिन्दा जुटेर वेपत्ता किशोरीको खोजी गरिरहेको जिल्ला प्रहरी कार्यालय चितवनका प्रमुख बसन्तबहादुर कुँवरले बताए ।
annapurnapost

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.