श्रीमतीलाई घाँस काट्न पठाएर बल्दै गरेको चित्तामा किन हाम फाले मानबहादुर

जाजरकोट– यहाँका एक व्यक्ति बल्दै गरेको सलोमा हाम फालेर मृत्यु भएको छ । जिल्लाको थालारैकर गाविस वडा नं ३ का वीरवल खत्रीको जलिरहेको सलोमा हाम फालेर थालारैकर वडा नं–५ टाटाका ६० वर्षीय मानवहादुर बुढाको मृत्यु भएको हो । सोमवार दिउँसो जलिरहेको सलोमा हाम फालेर मृत्यु भएको स्थानीय ईन्द्रज्योति माविका शिक्षक मानवहादुर थापाले जानकारी दिए ।

यहाँका अनुसार मृतक वीरवल खत्रीका कान्छी बुहारीका वैनीका ससुरा मानवहादुर बुढा पर्ने बताएको छ । चितवनमा उपचार गरिरहेका बुढाको मानसिक सन्तोलन बेला–बेलामा गुम्ने गरेको शिक्षक थापाले जानकारी दिए । खत्रीको मलामी गएर घर फर्किएर स्थानीय पसलबाट चार वटा अण्डा किनेर टाटामा रहेको घरमा श्रीमतीलाई सो अण्डा पकाउन लगाएर श्रीमती र श्रीमानसँगै बसेर खाएका थिए । अण्डा खाएर श्रीमतीलाई घर नजिकै जग्गाको काँल्लोमा घाँस काट्न पठाएर पुर्ण बुढा लास जलाएको थालारैकर–४ को कुटीशिवालयमा चामल छर्कदै पुगेको शिक्षक थापाले बताए । चामल छर्केर एक्कासी दनदनी जलिरहेको सलोमा हाम फालेका बुढालाई सलोबाट निकाल्दा–निकाल्दै जलेर मृत्यु भएको थियो । मृतक बुढा घरमा सुतेको बेला रात्ती, दिउँसो परिवारसँग सरसल्लाह नगरेर एक्कासी हिँड्ने बानी रहेको परिवारले बताएको छ । मृतक बुढाको लासलाई पोष्टमार्टमका लागि कान्छा छोराको साथमा जिल्ला अस्पतालमा बेलुका ल्याईपुर्याउने प्रहरी प्रमुख दानवहादुर मल्लले जानकारी दिए । मृतक वुढाका ४ छोरा रहेका छन् । तीन छोराहरु विदेशमा रहेका छन् भने एक छोरा घरमै रहेको प्रहरीले वताएको छ । ratopati

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.