यी हुन् ९० डलरको सुपारी लिएर किमको हत्या गर्ने महिला

उत्तर कोरियाली नेता किम जोंग ऊनका सैतोनी दाइ किम जोंग नममाथि घातक हमला गरेको आरोपमा पक्राउ परेकी एक महिलाका अनसार उनलाई यस्तो गर्नका लागि ९० डलर ( १० हजार रुपैयाँभन्दा कम ) दिइएको बताएकी छिन् । मलेसियास्थित इन्डोनेसियाली दूतावासका अधिकारी अनुसार सिती आइसियासँग शनिबार राजधानी कवालालम्पुरमा सोधपुछपश्चात् यस्तो जानकारी पाइएको हो ।

सोधपुछको क्रममा उनले किम जोंग ऊनको अनुहारमा ‘नवजात शिशुको तेल’ पोत्ने ठट्यौली गर्नका लागि ९० डलर दिइएको बताइएको छ । अनुसन्धानपश्चात् निकै विषालु नर्भ एजेन्ट भीएक्समार्फत किमको हत्या गरिएको पाइएको छ । संयुक्त राष्ट्रले यो नर्भ एजेन्टलाई सामूहिक नरसंहारको हतियार घोषित गरेको छ ।

उत्तर कोरियाको अस्विकारः

किम जोंग नामको हत्या पछाडि उत्तर कोरियाको हात भएको थुप्रैले अनुमान गरेतापनि उत्तर कोरियाले भने यसलाई ठाडै अस्विकार गरेको छ ।

हत्यामा संलग्न भएको आरोपमा तीनजनालाई पक्राउ गरिएको छ । साथै पुलिसले सात अन्य मानिसहरुको खोजी गरिरहेका छन् । यसमा उत्तर कोरियामा तीनजना पनि संलग्न छन् ।

इन्डोनेसियाका उप राजदूत आन्द्रियानो इर्विनले भने, ‘सिति आइसियाले आफूलाई केही मानिसहरुले यस्तो गर्न लगाएको बताएकी छिन् । उनका अनुसार केही मानिसहरु जापानी वा कोरियालीजस्ता देखिन्थे ।’

के हो एजेन्ट भीएक्स ?

– यो ज्ञात रासायनिक हतियारमध्ये सबैभन्दा घातक हो । यो हेर्दा सफा, गाढा खैरो रंगको तैलीय पदार्थ हो । यो गन्धहिन हुन्छ ।

– यो छालाभित्र छिरेर स्नायु तन्त्रको काम ठप्प गरिदिन्छ । कम डोज हुँदा आँखामा दुखाई, धमिलो देख्ने, बान्ता हुनेलगायतका समस्या देखिन्छन् ।

– यसलाई हावा, पानी र खानेकुरामा मिसाउन सकिन्छ ।

– यो सास तान्दा, छालाको स्पर्श र आँखामार्फत शरिर भित्र जान सक्छ ।

– भिएक्सको बाफ कपडामा आधा घण्टासम्म बस्न सक्छ । यो क्रममा यसले अरुलाई पनि संक्रमित गर्नसक्छ ।
 रासायनिक हतियार सम्मेलनले सन् १९९३ मा यसमाथि प्रतिबन्ध लगाएको थियो ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.