नेपाल-भारत खुल्ला सिमाना रोक्न सर्वोच्च अदालतमा मुद्दा, रिट दर्ता गर्ने को-को ?

नेपाल-भारत खुल्ला सिमाना रोक्न सर्वोच्च अदालतमा मुद्दा, रिट दर्ता गर्ने को-को ?
काठमाडौँ, १३ चैत । सर्वोच्च अदालतमा नेपाल–भारतको खुला सिमाना रोक्न माग गर्दै सर्वोच्च अदालतमा आइतबार रिट दायर गरिएको छ ।

सांकेतिक तस्विर : भारतीय SSB को गोलीबाट कन्चनपुरमा गोविन्द गौतम मारिएपछि सामाजिक सञ्जालमा भाइरल बनेकाे तस्विर । 

प्रधानमन्त्री तथा मन्त्रिपरिषद्को कार्यालय, गृह मन्त्रालय, रक्षा मन्त्रालयलगायतलाई विपक्षी बनाई आइतबार दायर गरेको रिट निवेदनमा नेपाल–भारत खुला सिमाना व्यवस्थापन तथा नियन्त्रण गर्नुपर्ने माग गरिएको छ ।

रिट निवेदनमा विसं २००९ को निस्केको नेपाल गजेटमा नेपाल–भारतबाट सीमा वारपार गर्दा परिचयपत्र अनिवार्य देखाई अभिलेख राख्ने व्यवस्थाको कार्यान्वयन हुनुुपर्ने, दुई देशको खुला सिमानाको व्यवस्थापन र नियन्त्रण नहुँदा आतङ्ककारी, तस्करीजस्ता गतिविधि हुने भएकाले सिमानामा नियन्त्रण गर्नुपर्ने उल्लेख छ ।

सीमामा शान्ति सुरक्षा नहुँदा नेपालीले निकै कठिनाइ भोग्नुपरेको हुँदा सिमानामा शान्ति सुरक्षाको व्यवस्था मिलाउनुपर्ने र सन् १८१६ र १९५० को नेपाल–भारत मैत्री सम्बन्धमा समेत खुला सिमाना नलेखिएको हुँदा पुनरावलोकन गर्न परमादेशको माग रिट निवेदनमा गरिएको छ ।

रिट दायर गर्ने को-को ?

रिट दर्ता गर्नेमा अधिवक्ता डा चन्द्रकान्त ज्ञवाली, सीमाविद् बुद्धिनारायण श्रेष्ठ, अधिवक्ता विमल ज्ञवाली, लीलाधर उपाध्याय र शशिकुमार कार्की रहेका छन् ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.