तारा एअरको बिमान दुर्घटनाः जाहाज भीरमा नठोक्किँदै खसेका थिए यात्रु

म्याग्दी, १३ फागुन– तारा एअरको जहाज दुर्घटनामा निधन भएकाको शव राजधानी ल्याउने प्रयासमा आज बिहानैदेखि सुरक्षा निकाय पुनः सक्रिय भएको छ ।

शवहरु अप्ठेरो भिरमा यत्रतत्र छरिएको र अत्याधिक चिसोका कारण हिजो उद्धारकार्य रोकिएको थियो । आज बिहानैबाट पुनः उद्धारकार्य सुचारु गरिएको जिल्ला प्रहरी कार्यालय म्याग्मीका डिउसपी विश्वराज खड्काले जानकारी दिए ।

घटनास्थलमा अञ्चल प्रहरी कार्यालय धौलागिरिका प्रमुख एसएसपी छबिलाल जोशी, नेपाली सेनाको मुस्ताङ घाँसाबाट मेजर सूर्य सिंखडा नेतृत्वमा गएको टोली र सशस्त्र प्रहरी बल चण्डिका गण पर्वतबाट डिएसपी बलराम लामिछाने नेतृत्वमा गएको टोली उद्धारमा खटिएको छ ।
खड्काका अनुसार दुर्घटनास्थलमा १९ वटा मात्र शव फेला परेका छन् । चारवटा शव भने सोलीघोप्टे भीरको बीचैमा अड्किएको देखिएको उनले बताए । ती शव जहाजको ढोका खुलेर भीरमै खसेको हुन सक्ने अनुमान गरिएको छ ।
पोखराबाट जोमसेम उडेको तारा एअरको बिमान बुधबार बिहान म्याग्दीको दाना गाविस–२ सोलीघोप्टे भीरमा ठोक्किएर दुर्घटना भएको थियो । दुर्घटनामा चालक दलका तीनसहित २३ को ज्यान गएको थियो । खड्काले डाइनेस्टिक एयरको जहाजमार्फत शव राजधानी पठाइने जानकारी दिए ।
kathmandutoday

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.