एमाले नेताहरुले रातारात छाडे मधेस, अभियान छाडेर सबै काठमाडौं फर्किए

मेची–महाकाली अभियानका क्रममा सप्तरीको राजविराजमा प्रहरीको गोली लागेर मधेसी मोर्चाका चार कार्यकर्ता मारिएपछि एमाले नेताहरु अभियान छाडेर राजधानी फर्किएका छन् ।

केही नेता सोमबार राति नै बर्दिबासको बाटो हुँदै सिन्धुली आएर बास बसेका थिए । अध्यक्ष केपी ओली प्रहरी स्कर्टिङमा गृहजिल्ला झापा पुगेर बास बसेका थिए ।

नेता कृष्ण गोपाल श्रेष्ठले अधिकांश नेता मंगलबार राजधानी आइसक्ने जानकारी दिए । हिंसात्मक घटनालगत्तै मधेस अशान्त भएपछि एमाले नेताहरु तीन दिनका लागि अभियान रोकेर त्यहाँबाट हिंडेका हुन् ।

ओली भद्रपुरबाठ विमानमार्फत काठमाण्डु आउने श्रेष्ठले जाकनारी दिए । प्रधानमन्त्री पुष्पकमल दाहाल ‘प्रचण्ड’ ले सोमबारै टेलिफोन वार्ताका क्रममा स्थितिलाई थप उत्तेजित हुन नदिन आन्दोलन रोकेर राजधानी फर्कन आग्रह गरेका थिए ।

त्यसलगत्तै बसेको एमाले स्थायी समिति बैठकले तीन दिन आन्दोलन रोक्ने निर्णय गरेको थियो ।

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.