चीनलाई टुक्राउन यसरी भएको रहेछ षड्यन्त्र

काठमाडौं, १७ फागुन । भूकम्पपछिको राहत र पुनर्निर्माणमा चासो र संलग्न रहेको अमेरिकालगायत कयौं पश्चिमी मुलुकहरु र आईएनजिओहरुले ‘फ्री तिब्बत आन्दोलन’ लाई सहयोग पुगाएको आरोप लगाउँदै त्यसलाई कडाइका साथ नियन्त्रण गर्न उत्तरी छिमेकी चीनले नेपालसँग आग्रह गरेको छ ।

प्रधानमन्त्री केपी ओलीको प्रस्तावित चीन भ्रमणको तीन साताअघि नेपाल भ्रमणमा आएका चिनियाँ विदेश मन्त्रालयका बाह्य तथा सुरक्षा मामिला महानिर्देशक लिउ गुआङ्युआनले आइतबार गृह मन्त्रालय,परराष्ट्र मन्त्रालय, नेपाल प्रहरी, सशस्त्र प्रहरी र राष्ट्रिय अनुसनधान विभागका अधिकारीहरुसँग सिंहदरबारमा भएको बैठकमा यसबारे चासो व्यक्त गरेका हुन् । अन्नपूर्ण पोष्ट दैनिकले समाचार छापेको छ ।
चिनियाँ अधिकारीले भूकम्पपछि तिब्बतसँग सीमा जाडिएका नेपालका उत्तरी जिल्लामा अमेरिकालगायत पश्चिम आईएनजिओहरुले पुनर्निर्माण सहयोगका नाममा ‘स्वतन्त्र तिब्बत’ आन्दोलन गरिरहेका पृथकतावादी दलाई लामाका समूहलाई सहयोग गरिरहेको भन्दै चिन्ता जनाएको बैठकमा सहभागि एक सुरक्षा अधिकारीले बताए ।
dainiknepal

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.