भारतीय विदेशमन्त्रालयले बल्ल दियो नितिशकुमारलाई नेपाल भ्रमणको अनुमति

काठमाडौं, फागुन १८ । भारतको बिहार राज्यका मूख्यमन्त्री नितिशकुमार लामो प्रतिक्षापछि नेपाल भ्रमणमा आउने भएका छन् । उनी बुधबार काठमाडौं आउने जनाइएको छ ।

मूख्यमन्त्री सचिवालयले नितिशकुमारको भ्रमणको पुष्टि गरेको भारतीय संचारमाध्यमले जनाएका छन् ।
उनी नेपाली कांग्रेसको १३ औं महाधिवेशन उदघाटन समारोहमा सहभागी हुन नेपाल आउन लागेका हुन् । काठमाडौंको संक्षिप्त बसाईका क्रममा उनले राष्ट्रपति विद्यादेवी भण्डारी, प्रधानमन्त्री केपी ओलीसँग भेटवार्ता गर्ने कार्यक्रम रहेको जनाइएको छ ।
उल्लेखनीय छ, नितिशकुमार वर्षौंदेखि नेपाल भ्रमणका लागि इच्छुक रहे पनि भारतीय विदेश मन्त्रालयले उनलाई भ्रमणको अनुमति दिएको थिएन । उनी वैशाखमा नेपालमा गएको विनाशकारी भूकम्पलगत्तै नेपाल आउन चाहेका थिए । तर विदेशमन्त्रालयले भ्रमण अनुमति नदिएकै कारण उनी आउन सकेका थिएनन् । (एजेन्सी)
imagekhabar

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.