थोरै भोटमा सीमित हुन्छिन् भन्ने आम अपेक्षालाई उल्ट्याउँदै सुरुदेखि नै सम्मानजनक भोट ल्याएपछि रन्जुले भोटमा नजिते पनि धेरैको विश्वास जितेकी हुन् । २१ वर्षीय यी दर्शनाले जब सुरुदेखि नै कांग्रेसका राजुराज जोशी र एमालेका विद्या सुन्दर शाक्यलाई तर्साउने गरी भोट ल्याइन् उनले धेरैको मन जित्न पुगिन् । परम्परागत शक्ति रहेका कांग्रेसका उम्मेदवारलाई मतले जित्न नसके पनि एउटा प्रभाव पार्न सकेपछि उनले धेरैको विश्वास जित्न सकेकी हुन् ।
उनले अहिलेसम्म एमाले, कांग्रेसका उम्मेदवारपछि तेस्रो मत ल्याएकी छिन् । माओवादीका उम्मेदवारलाईसमेत पछाडि छोडेपछि काठमाडौंमा रन्जुको चर्चाले सामाजिक संजाल तातेको छ । उनी नयाँ पुस्ताकी आशा र भरोस गर्न लायक नेतृ बन्ने भन्दै उनको प्रशंशा गर्ने थुप्रै सामाजिक संजाल प्रयोगकर्ताहरु देखिएका छन् ।
रन्जुले जारी मत गणनामा दुई हजार पाँच सय मत कटाइसकेकी छिन् । जबकी उनले जम्मा यति मत ल्याउँने आम अपेक्षा थियो । यो मत १५ हजार जति गन्दाको हो । अब गन्न बाँकी एक लाख ७५ हजार बढी मत गन्दा रन्जुले थप कति मत ल्याउलिन् ? यही अनुपातमा जाँदा पनि उनले धेरै नै मत ल्याउने अनुमान गरिएको छ ।
कांग्रेस वा माओवादीका उम्मेदारले ७० हजार मत ल्याएर जित्दा रन्जुले यसको आधा मत मात्रै ल्याइन भने पनि उनले हारे पनि धेरैको मन जित्ने चर्चा गरिन्छ । कांग्रेस प्रमुखका उम्मेदवार राजुराज जोशीले त नयाँ दलहरु विवेकशील, साझा पार्टीले धेरै नै मत ल्याएको भन्दै उनीहरुमा पनि शक्ति रहेको प्रतिक्रिया दिएका छन् ।
अन्ततः हारे पनि रन्जुले नयाँ पुस्ताको रुपमा सबैलाई उछिन्ने भने पक्कापक्की छ ।
साभार स्रोतः NepaliHeadlines.com
Write Comment Below:
Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.
No comments:
Post a Comment